【武漢肺炎】河國榮憂坐飛機染病累及父母　取消回國探親：澳洲對爆疫無警惕

武漢肺炎疫情持續擴散，定居香港的前TVB「御用外國人」河國榮因擔心隱形病毒而決定取消下月回澳洲的探親之旅，河國榮坦言希望是自己「幻想太多」，寄語大家萬事小心。

▲ （取自河國榮Facebook）

河國榮Facebook全文內容如下：

一個目前不能醫治嘅病毒。人傳人兼傳播率咁高嘅病毒。廣東已經～100病例。北京已封城唔俾人入。香港係咪都應該盡快封關？而家係非常時期。未試過都唔係合理嘅理由。嚟緊嘅情況可能非常可怕。

我本來二月中飛澳洲探父母，跟爸爸慶祝生日，但係我而家唔敢博。坐8個鐘頭飛機到澳洲。飛機會唔會有隱形病者？我咁樣會唔會害咗我最親嘅兩位老人家？我從來未戴過口罩。今次，我一定戴。

我幻想力好強。希望我錯。大家小心。

陳庭欣《東張西望》公開道歉，詳情請看：http://bit.ly/37zmRKv

▲ （取自河國榮Facebook）

河國榮的舉動獲不少網民認同，有網民甚至留言稱讚：「你講得啱！係飛機八個鐘當中有隱性武漢肺炎啲人一D都唔出奇！為父母健康著想！遲D去比較明智」，網民們更互相勉勵，保重身體。

河國榮亦有回應網民：「 澳洲無試過爆疫，而且空間同埋空氣好好嘅，所以對爆疫無警惕。」

現年54歲的河國榮來自澳洲昆士蘭，在大學時遇上一名香港留學生，機緣巧合下愛上香港粵語流行曲文化，偶像為張國榮。

▲ （取自河國榮Facebook）

1987年河國榮隻身來到香港發展，經朋友介紹下加入TVB，成了TVB所有外國人的角色。

2008年河國榮約滿TVB，嘗試往舞台劇、音樂多方面發展。

韓紅呼籲棄口罩前必須剪碎，詳情請看：http://bit.ly/2RxM8za